तालुकास्तरीय विज्ञान, गणित व पर्यावरण प्रदर्शन – २०२५–२६
महाबळेश्वर टाईम्स : प्रतिनिधी
५३ व्या राज्यस्तरीय बालवैज्ञानिक प्रदर्शनाच्या अनुषंगाने २०२५–२६ चे तालुकास्तरीय विज्ञान, गणित व पर्यावरण प्रदर्शन गिरीस्थान प्रशाला व कनिष्ठ महाविद्यालय तसेच गिरिस्थान नगरपरिषद प्राथमिक शाळा क्रमांक १ ते ५ यांच्या संयुक्त विद्यमाने नगरपालिका प्राथमिक शाळा क्रमांक १ व २, महाबळेश्वर येथे दिनांक २५ ते २७ नोव्हेंबर २०२५ दरम्यान आयोजित करण्यात आले आहे. या प्रदर्शनासाठी मुख्य विषय “विकसित आणि आत्मनिर्भर भारत” असा आहे.
या प्रदर्शनात उच्च प्राथमिक गट (इयत्ता ६ ते ८) आणि माध्यमिक व उच्च माध्यमिक गट (इयत्ता ९ ते १२) यांच्यात विद्यार्थ्यांच्या उपकरणांचे सादरीकरण व स्पर्धा आयोजित करण्यात येत आहेत. तसेच प्राथमिक शिक्षक, माध्यमिक शिक्षक व प्रयोगशाळा परिचर यांच्यासाठी निर्मिती शैक्षणिक साहित्याचे प्रदर्शन व स्पर्धा आयोजित करण्यात आली आहे. तीन दिवसीय या प्रदर्शनात वक्तृत्व, निबंध, चित्रकला आणि प्रश्नमंजुषा अशा विविध स्पर्धांचाही समावेश आहे.
महाबळेश्वर तालुक्यातील जास्तीत जास्त विद्यार्थ्यांनी या प्रदर्शनात सहभागी व्हावे, असे आवाहन करण्यात येत आहे.
बातम्या व जाहिरातीसाठी
संपर्क
संपादक :- राहुल शेलार
मो.नं 9422604420
कार्यकारी संपादक :- रियाज मुजावर
मो.नं : 9403546485
Social Plugin