निवडणूक कामी नियुक्त मतदान अधिकारी व कर्मचारी यांचेसाठी मार्गदर्शन सूचना करणेकामी प्रशिक्षणाचे आयोजन 📰महाबळेश्वर टाईम्स 🗞️
महाबळेश्वर गिरिस्थान नगरपरिषद सार्वत्रिक निवडणूक २०२५ च्या अनुषगाने निवडणूक कामी नियुक्त मतदान अधिकारी व कर्मचारी यांचेसाठी मार्गदर्शन सूचना करणेकामी द्वितीय प्रशिक्षणसत्र आज दिनांक २४/११/२०२५ रोजी दुपारी २ वाजता खादी ग्रामोद्योग सभागृह,महाबळेश्वर येथे आयोजित करण्यात आले होते.
या प्रशिक्षणामध्ये केंद्र स्तरावरील सर्व बाबीबाबत सविस्तर बाबनिहाय प्रशिक्षण व मार्गदर्शन करण्यात आले. प्रथम प्रशिक्षणात देण्यात आलेल्या सूचनांचा बाबतच्या प्रत्यक्ष कृतीचा आढावा सहाय्यक निवडणूक निर्णय अधिकारी श्री योगेश पाटील यांनी यावेळी घेतला . यावेळी EVM मशीनबाबत सविस्तर माहिती देण्यात आली.तसेच चिन्हांकित मतदार यादीबाबत माहिती देण्यात आली.मतदानाच्या अगोदरच्या दिवसापासून असणाऱ्या नियोजनाचे सविस्तर विवेचन करण्यात आले.मतदान केंद्रावरील सर्व साहित्य ,मतदान प्रक्रिया सुरु झालेपासून ते संपेपर्यंत ची सर्व प्रक्रिया पार पाडत असताना घ्यावयाच्या खबरदारीच्या सूचना सहाय्यक निवडणूक निर्णय अधिकारी यांनी सादरीकरणाद्वारे समर्पक उदाहरणासह माहिती दिली.
सदर प्रशिक्षणामध्ये सहाय्यक निवडणूक निर्णय अधिकारी श्री.योगेश पाटील, निवडणूक नायब तहसिलदार श्रीमती जाहीदा शेख , यांनी मार्गदर्शन केले.
Social Plugin