महाबळेश्वरच्या सर्वागीण विकासासाठी गिरीस्थान नगर विकास आघाडीचे नगराध्यक्ष पदाचे उमेदवार कुमार शिंदे यांच्यासह नगर सेवक पदाचे उमेदवारांना मताधिक्याने निवडून द्यावे

 * महाबळेश्वर टाईम्स        📰             MAHABALESHWAR TIMES.     🗞️        महाबळेश्वर प्रतिनिधी ✍️                                  महाबळेश्वरच्या सर्वागीण विकासासाठी गिरीस्थान नगर विकास आघाडीचे नगराध्यक्ष पदाचे उमेदवार कुमार शिंदे यांच्यासह नगर सेवक पदाचे उमेदवारांना मताधिक्याने निवडून द्यावे*

*पर्यटन तथा पालकमंत्री शंभूराज देसाई यांचे आवाहन

नगरविकास खाते उपमुख्यमंत्री एकनाथ शिंदे व  पर्यटन खाते माझ्याकडे आहे. या दोन्ही खात्यांच्या माध्यमातून महाबळेश्वाचा विकास करण्यात येत आहे. या पुढील काळातही महाबळेश्वरच्या सर्वांगीण विकासासाठी गिरीस्थान नगर विकास आघाडीचे नगराध्यक्ष पदाचे उमेदवार कुमार शिंदे व नगर सेवक पदाचे सर्व उमेदवार यांना भरघोस मतदानी निवडणूक द्यावे, असे आवाहन पर्यटन तथा पालकमंत्री शंभूराज देसाई यांनी केले.

उपमुख्यमंत्री  एकनाथ शिंदे व पालकमंत्री शंभूराज देसाई यांच्या मार्गदर्शनाखाली गिरीस्थान नगर विकास आघाडी (नियोजित) तर्फे कुमार शिंदे व त्यांच्या उमेदवारांना मार्गदर्शन करण्यासाठी ते महाबळेश्वर येथे आले होते. त्यावेळी त्यांना मार्गदर्शन करताना ते बोलत होते. 

  नगराध्यक्ष पदाचे उमेदवार कुमार शिंदे हे माझ्याकडे कामाचा पाठपुरावा नेहमी करतात. मी ही ती कामे पूर्ण करतो. बाजारपेठेचे सुशोभीकरण करताना व्यापाऱ्यांची चार फूट घरे, दुकाने जाणार होती. हे कुमार शिंदेंनी माझ्या नजरेस आणून दिले. त्यावेळी मी तात्काळ हा निर्णय बदलला. स्थानिकांच्या पोटापाण्याचा विचार न करणारा विकास काय कामाचा.विकास करताना लोकांचे नुकसान होता कामा नये. लोकांच्या हिताचा निर्णय घेण्यासाठी लोकांच्या बाजूने उभा राहणारा हा पालकमंत्री आहे. बाजारपेठेच्या मुख्य चौकात छत्रपती शिवाजी महाराजांचा मोठा पुतळा उभा करायचा आहे. त्या कामाला मी मंजुरी दिली आहे. वनविभागाच्या आडमुठेपणामुळे वेण्णा लेक येथील व्यापाऱ्यांच्या पोटापाण्याचा प्रश्न निर्माण झाला आहे. परंतु लवकरच या लोकांचे त्याच जागी मी पुनर्वसन करणार आहे, असे सांगून  जागतिक पर्यटन स्थळांच्या नकाशात महाबळेश्वरला स्थान मिळवून देणार आहे, असल्याचेही पालकमंत्री श्री. देसाई यांनी मार्गदर्शन करतांना सांगितले.

पर्यटन मंत्री म्हणून महाबळेश्वरवासियांनी जे जे मला मागितलं ते ते मी दिले, असे सांगून पालकमंत्री श्री. देसाई म्हणाले, मला नाराज करू नका. विकासासाठी गिरीस्थान नगर विकास आघाडीचे नगराध्यक्ष पदाचे उमेदवार कुमार शिंदे व नगर सेवक पदाचे सर्व उमेदवार  मतांनी निवडून द्या.  महाबळेश्वरच्या विकासासाठी  महाबळेश्वरवासियांच्या पाठीशी मी ठामपणे उभा आहे, असे आश्वासन पर्यटन मंत्री तथा पालकमंत्री श्री. देसाई यांनी दिले 

यावेळी बोलताना माजी सभापती अमित कदम म्हणाले, उपमुख्यमंत्री एकनाथ शिंदे यांची महाबळेश्वर ही माय भूमी आहे.  उपमुख्यमंत्री श्री. शिंदे   प्रतिष्ठेला धक्का लागू देऊ नका विकासासाठी गिरीस्थान नगर विकास आघाडीचे सर्व उमेदवार 

  मताधिक्याने निवडून द्यावे, असे आवाहन केले.

  नगराध्यक्ष पदाचे उमेदवार कुमार शिंदे म्हणाले, महाबळेश्वर मधील निवडणूक ही सध्या’ ‘धनशक्ती विरुद्ध जनशक्ती’ अशी झाली आहे. विरोधी उमेदवाराला कसलाही अनुभव नाही. मी का नगराध्यक्ष पदासाठी उभा आहे हे देखील त्यांना सांगता येत नाही. एकनाथ शिंदे साहेब मुख्यमंत्री झाल्यावर महाबळेश्वर शहराचा १०० कोटी रुपयांचा आराखडा करण्याचे धाडस आम्ही केले. त्यापैकी ५१ कोटी रुपये आले देखील. महाबळेश्वर मधील रस्त्यांच्या विकासासाठी ३६ कोटी रुपयांचा प्रस्ताव उपमुख्यमंत्री श्री.  शिंदे साहेबांनी तो तात्काळ मंजूर केला. त्यापैकी ८० टक्के कामे पूर्ण देखील झाली. आम्ही कामाचा लेखाजोखा दाखवून लोकांना मत मागतो.  दहा टक्के राजकारण व ९० टक्के समाजकारण करणारा मी व्यक्ती आहे, श्री. शिंदे यांनी बैठकीत सांगितले.