महाबळेश्वर गिरिस्थान नगरपालिका सर्वत्रिक निवडणूक २०२५ च्या नगराध्यक्ष व नगरसेवक पदाकरीता प्रभाग क्रमांक ७ व ८ मध्ये नासीर भाई मुलाणी यांची प्रचार रॅली

महाबळेश्वर टाईम्स MAHABALESHWAR TIMES महाबळेश्वर नगरपालिका सार्वत्रिक निवडणूक २०२५   नगरसेवक पदाचे लोकप्रिय उमेदवार जनतेचे सेवक नासीर भाई मुलाणी  व त्यांच्या सहकारी तरन्नूम वलगे व नगराध्यक्ष पदाचे उमेदवार सुनिल शिंदे यांच्या प्रचारार्थ प्रभाग क्र ७ मध्ये भव्य रॅलीचे आयोजन करण्यात आले होते या रॅलीस मतदारांचा प्रंचड  उत्सफुर्त  असा प्रतिसाद मिळाला . घरा घरात जाऊन नासीर भाई यांनी  मतदारांच्या गाठी भेटी घेत प्रचार केला प्रभागातील घरा घरात त्यांचे माताभगिणी अबाल वृद्धांनी त्यांना विजयी होण्या करिता आर्शिवाद दिले  . 

                                                                जनतेचे सेवक सर्वाचे लाडके नेतृत्व नासीरभाई मुलाणी हे मागील २५ वर्षांपासून महाबळेश्वर नगरपालिकेच्या राजकारणात सक्रिय असून सर्वसामान्य नागरिकांच्या प्रश्नांसाठी सातत्याने लढणारे एक सक्षम, कर्तबगार आणि लोकप्रिय लोकनेते म्हणून ओळखले जातात त्यांच्या नेतृत्वाखाली अनेक सामाजिक, शैक्षणिक, मूलभूत सोयीसुविधांचे कामे पूर्णत्वास गेली असून आजही ते परिसरातील नागरिकांसाठी पूर्ण निष्ठा आणि समर्पणाने कार्यरत आहेत.

प्रभाग क्र ७ मधून  २००१ पासून सुरु झालेली त्यांची लोकसेवेची वाटचाल, २००६, २०११ व २०१६ अशा सलग चार निवडणुकांत नगरसेवक म्हणून बहुमताने निवडून आले २०११ मध्ये त्यांनी महाबळेश्वर गिरिस्थान नगरपालीकेच्या उपनगराध्यक्षपदाची धुरा सांभाळत शहराच्या विकासाला नवा वेग दिला. सर्व स्तरांवरून मोठा पाठिंबा, विविध भागातील सर्व समाजघटकांचा विश्वास व प्रमाणिक,कष्टाळू कार्यकर्त्यांचे योगदान यामुळे  नासीरभाई मुलाणी यांनी नेहमीच जनता-जनार्दनाच्या अपेक्षा पूर्ण करण्यासाठी प्रामाणिक प्रयत्न करत आहेत

शहरातील महत्त्वाच्या नागरी प्रश्नांवर—रस्ते, पाणी, वीज, स्वच्छता, आरोग्य यांवर त्यांनी सातत्याने लढा दिला. अनेक वंचित, दुर्बल, गरीब घटकांपर्यंत सरकारी योजना आणि मदत, वैद्यकिय सेवा पोहोचवण्यात त्यांनी पुढाकार घेतला

कोविड च्या कठीण काळात  नासीर  भाई मुलाणी यांनी स्वतःचा जीव धोक्यात घालून नागरिकांसाठी अविरत सेवा दिली. रुग्णवाहिका, ऑक्सिजन सिलेंडर, हॉस्पिटल मध्ये बेड उपलब्धता, क्वारंटाईन मध्ये असणाऱ्या नागरिकांना  मदत, गरजू कुटुंबांना अन्नधान्य किट वाटप  तसेच फ्रंटलाईन वर्कर्ससाठी आवश्यक साहित्य—हे सर्व अत्यंत वेगाने आणि कोणताही गाजावाजा न करता त्यांनी उपलब्ध करून दिले. अनेक गरीब व निराधार कुटुंबांना त्यांनी आर्थिक व  धान्य सहाय्य देत संकटातील शेकडो नागरिकांचे प्राण वाचविण्यात मोलाची भूमिका बजावली. करोना महामारीत त्यांची ही मानवतावादी, संवेदनशील आणि धाडसी सेवा आजही नागरिक कृतज्ञतेने स्मरणात ठेवतात.

जनतेच्या मनातील नगराध्यक्षपदाचे प्रबळ दावेदार म्हणून स्थान

नासीर भाई मुलाणी यांच्या २५ वर्षांच्या कार्यकिर्दीने, विकासकामांच्या भक्कम नोंदीने, जनसमर्थनाने आणि सर्वपक्षीय स्वीकाराने त्यांना आगामी नगराध्यक्षपदासाठी सर्वात प्रबळ दावेदार मानले जात होते. शहरातील विविध सामाजिक, राजकीय आणि व्यावसायिक घटकांनी त्यांच्यावर पूर्ण विश्वास दाखवत नगराध्यक्षपद हे त्यांच्याकडे जाणे निश्चित असल्याचे स्पष्टपणे मत व्यक्त केले होते.

नगराध्यक्षपदासाठी अटळ दावेदारी असूनही नासीरभाई मुलाणी यांनी कोणताही राजकीय दबाव, आर्थिक व्यवहार किंवा बाह्य हस्तक्षेप न स्वीकारता स्वतःहून पक्ष हिता व मदत व पुनर्वसन मंत्री मकरंद पाटील यांच्या शब्दाला मान देऊन आपला अर्ज मागे घेण्याचा मोठा आणि दुर्मीळ राजकीय त्याग केला.हा निर्णय त्यांनी  संघटनात्मक एकतेला प्राधान्य देण्यासाठी, आणि शहराच्या दीर्घकालीन विकासाच्या दृष्टीने स्वतःच्या महत्त्वाकांक्षेपेक्षा पक्षहित व जनहित यांना अग्रक्रम देत घेतला. त्यांच्या या मोठ्या त्यागाची व्यापक पातळीवर प्रशंसा होत आहे.

आगामी 2025 च्या नगरपरिषद निवडणुकीत प्रभाग क्रमांक ७ हा नासीरभाई मुलाणी यांच्यासाठी प्रतिष्ठेचा विषय असणार असून त्यांच्या समर्थनामुळे संपूर्ण विभागात उत्साहाचे वातावरण निर्माण झाले आहे. त्यांच्या दीर्घ सेवाभावी कार्याचा, स्वच्छ प्रतिमेचा आणि व्यापक जनसमर्थनाचा विचार करता या निवडणुकीत प्रभाग क्र ७ व ८ मधिल त्यांची भूमिका निर्णायक ठरणार आहे.

नासीर भाई मुलाणी यांना मिळणारा हा जनाधार गोरगरिबांचा आर्शिवाद हीच त्यांच्या कामाची खरी पावती असून, पुढील काळातही ते शहराच्या सर्वांगीण विकासासाठी पूर्ण क्षमतेने कार्यरत राहतील, तसेच राजकारणातला हुकमी एकका  गोरगरीब जनतेसाठी पुर्णवेळ उपलब्ध  असणारा नेता  ही त्यांची ओळख आहे