निवडणूक निर्णय अधिकारी तथा तहसीलदार सचिन मस्के व सहाय्यक निवडणुक निर्णय अधिकारी तथा मुख्याधिकारी योगेश पाटील यांनी दिली महाबळेश्वर नगरपालिकेच्या निवडणूक प्रक्रियेची माहिती*

 *निवडणूक  निर्णय अधिकारी तथा तहसीलदार सचिन मस्के व  सहाय्यक निवडणुक निर्णय अधिकारी तथा मुख्याधिकारी योगेश पाटील यांनी दिली महाबळेश्वर नगरपालिकेच्या निवडणूक प्रक्रियेची माहिती*

 

*राजकीय पक्षांचे व संभाव्य उमेदवारांनी* *उपस्थित केलेल्या* *प्रश्नांचे केले निरसन* 

 नगरपरिषद सार्वत्रिक निवडणुक २०२५ बाबत मार्गदर्शन व चर्चा करण्यासाठी राजकीय पक्ष पदाधिकारी व इच्छूक उमेदवार व पत्रकार यांची  बैठक खादी ग्रामोद्योग सभागृह महाबळेश्वर येथे निवडणूक निर्णय अधिकारी तथा तहसिलदार सचिन म्हसके व सहाय्यक निवडणूक निर्णय अधिकारी तथा मुख्याधिकारी योगेश पाटील यांच्या मागर्दशना खाली घेण्यात आली.

या मध्ये दि १० नोव्हेंबर

२०२५  पासून नामनिर्देशन पत्र दाखल करण्यास सुरुवात होणार आहे . या बाबत मार्गदर्शन करण्यात आले. या मध्ये नामनिर्देशन पत्र व शपथपत्र  हे ऑनलाईन पद्धतीने  प्रिंट काढून आवश्यक त्या सर्व ठिकाणी स्वाक्षरीसह सादर करावे. यासाठी https://mahasecelec.in या संकेतस्थळावर जाउन नोंदणी करून घ्यावी . शपथपत्रातील माहिती प्रभाग क्रमांक व जागा क्रमांक उमेदवाराची माहिती , सुचक यांची माहिती चिन्ह निवड मालमत्ता व आर्थिक तपशील अवलंबीत व्यक्ती, पक्ष उमेदवारा बाबत (AB फार्म ) जोड पत्रे , निवडणूक खर्चा बाबत , सूचक संख्या , आनमत रक्कम पावती , निवडणुक खर्चा करिता स्वतंत्र बॅक खाते, दैनदिन खर्च व एकूण केलेला निवडणूक खर्च.  राखीव जागेवरील उमेदवारासाठी अनुसूचित जाती, अनुसूचित जमाती किंवा इतर मागासवर्गीय प्रवर्गासाठी राखीव जागेवरून निवडणूक लढविणाऱ्या उमेदवाराने

 कागदपत्रे सादर करणे आवश्यक आहे. 

(अ) महाराष्ट्र अनुसूचित जाती, अनुसूचित जमाती, विमुक्त जाती, भटक्या जमाती,

इतर मागासवर्ग व विशेष मागास प्रवर्ग (जातीचे प्रमाणपत्र देण्याचे व त्याच्या

पडताळणीचे विनियमन) अधिनियम, २००० अंतर्गत सक्षम प्राधिकाऱ्याने दिलेले

जातीचे प्रमाणपत्र.

(आ) संबंधित जात पडताळणी समितीने दिलेले वैधता प्रमाणपत्र.

दोन्ही कागदपत्रांची सत्यप्रत नामनिर्देशनपत्रासोबत जोडावी.

छाननीच्या वेळी मूळ प्रमाणपत्रे सादर करणे आवश्यक आहे.

“वैधता प्रमाणपत्र अद्याप प्राप्त झाले नसल्यास, उमेदवाराने जात वैधता पडताळणी

समितीकडे अर्ज सादर केल्याचा अधिकृत पुरावा नामनिर्देशनपत्रासोबत जोडावा.

तसेच, संबंधित उमेदवाराने सहा ६ महिन्यांच्या आत वैधता प्रमाणपत्र सादर करील

याबाबतचे हमीपत्र (Affidavit/Undertaking) सादर करणे आवश्यक आहे.      

 या बैठकीमध्ये आचरसंहिते बाबत मार्गदर्शन करणेत आले तसेच बैठकित उपस्थितांचे शंका निरसन करण्यात आले. या बैठकीस सर्व राजकीय पक्षाचे पदाधिकारी कर्यकर्ते , इच्छुक उमेदवार व पत्रकार उपस्थित होते.

०००