महाबळेश्वरच्या अद्यावत दिवाणी व फौजदारी न्यायालय इमारतीचा लोकार्पण सोहळा उत्साहात संपन्न*

महाबळेश्वर टाईम्स

महाबळेश्वर ( प्रतिनिधी)

महाबळेश्वर येथील दिवाणी व फौजदारी न्यायालयाच्या नवीन अद्यावत इमारतीचा लोकार्पण सोहळा महाराष्ट्र दिनाचे औचित्य साधून मोठ्या उत्साहात संपन्न झाला. महाबळेश्वर गिरीस्थान नगरपालिकेचे नगराध्यक्ष सुनिल शिंदे याच्या हस्ते उपनगराध्यक्ष नासिर भाई मुलाणी यांच्या अध्यक्षतेखाली या इमारतीचे लोकार्पण करण्यात आले. या नवीन इमारतीमुळे महाबळेश्वर मधील न्यायालयाचा अनेक वर्षांचा प्रलंबित प्रश्न आता कायमस्वरूपी सुटला आहे.

गेल्या अनेक वर्षांपासून महाबळेश्वर मध्ये न्यायालयाची सोय व्हावी, अशी मागणी होती. २०१० पासून येथे कोर्टाची निर्मिती झाली असली, तरी न्यायालयासाठी हक्काची आणि सोयीस्कर अशी स्वतंत्र इमारत उपलब्ध नव्हती. ही गरज ओळखून महाबळेश्वर नगरपालिकेने पुढाकार घेतला आणि पालिकेच्या मालकीची असलेली पोलीस ग्राऊंड शेजारील इमारत न्यायालयासाठी देण्याचा मानस व्यक्त केला

या जुन्या इमारतीचे पूर्णपणे नूतनीकरण आणि सुशोभीकरण करून आता एका अद्यावत आणि सुंदर इमारतीत न्यायालयाचे कामकाज सुरू होणार आहे. या लोकार्पण सोहळ्याप्रसंगी स्थानिक पदाधिकारी, वकील संघटनेचे प्रतिनिधी आणि नागरिक मोठ्या संख्येने उपस्थित होते.

मान्यवर उपस्थित या लोकापर्ण सोहळ्याप्रसंगी नगरााध्यक्ष सुनिल शिंदे , उपनगराध्यक्ष नासीर भाई मुलाणी ,मुख्याधिकारी योगेश पाटील ,गटनेते ॲड. संजय जंगम, नगरसेवक अफजल भाई सुतार, आबा शिंदे, रोहित ढेबे, रवींद्र कुंभारदरे, संतोष अखाडे, राजू नालबंद, किसन शेठ शिंदे , मिलिंद ढेबे , ॲड विजयकुमार दस्तुरे माजी नगराध्यक्ष डी एम बावळेकर, युसूफ भाई शेख , मा .नगरसेवक संदिप सांळुंखे , शरद बावळेकर , शंकर ढेबे , नगरसेविका विमल पारठे, संगिता वाडकर, विद्या बावळेकर, स्मिता पाटील, रेश्मा ढेबे , नगरपालिका अधिकारी अमित माने , मुरलीधर धायगुडे , माजी मुख्यलिपिक आबाजी ढोबळे , राजुभाई मुलाणी व नगरपालिका कर्मचारी व इतर मान्यवर यांची प्रमुख उपस्थिती होती.

➡️➡️➡️➡️➡️➡️➡️➡️➡️➡️➡️➡️➡️➡️➡️➡️➡️

👉२०१० मध्ये कोर्टाची निर्मिती झाली परंतु न्यायालयाला स्वतःची सुयोग्य इमारत नव्हती. नगरपालिकेने पुर्वीची पोलीस ग्राउंड शेजारील इमारत न्यायालयाकरिता देण्याचा निर्णय घेतला आणि तेव्हापासून सातत्याने पाठपुरावा करून या इमारतीचे सुशोभीकरण पूर्ण झाले आहे. आज या अद्यावत इमारतीचे लोकार्पण होताना महाबळेश्वरवासीयांच्या न्यायालयाचा प्रश्न कायमस्वरूपी सुटला आहे याचा आनंद आहे.

—🙏 ॲड. संजय जंगम (गटनेते, नगरसेवक महाबळेश्वर नगरपालिका)🙏