निवडणूक आयोगाचा सुधारित नगरपालिका निवडणूक कार्यक्रम जाहिर

 महाबळेश्वर टाईम्स

महाबळेश्वर :- राज्य निवडणूक आयोगाचा सुधारित सार्वत्रिक निवडणूक कार्यक्रम जाहीर

राज्य निवडणूक आयोगाच्या पत्र क्रमांक रानिआ-२०२५/सुनिका/नप/प्र.क्र.१४/का.६ दि. २९ नोव्हेंबर २०२५ च्या अनुषंगाने, न्यायालयीन अपील प्रलंबित असलेल्या तसेच पत्रातील परिच्छेद-३ मध्ये नमूद केलेल्या चार बाबींमुळे प्रभावित नगरपरिषद व नगरपंचायतींसाठी सुधारित निवडणूक कार्यक्रम जाहीर करण्यात आला आहे.

सदर सुधारित कार्यक्रमानुसार जिल्हाधिकाऱ्यांमार्फत निवडणूक कार्यक्रम ४ डिसेंबर २०२५ रोजी जाहीर करण्यात येणार आहे. उमेदवारांना नामनिर्देशनपत्रे मागे घेण्यासाठी १० डिसेंबर २०२५ रोजी दुपारी ३.०० वाजेपर्यंत मुदत देण्यात आली आहे.

आवश्यकतेनुसार निवडणूक चिन्हांचे वाटप आणि अंतिम उमेदवार यादीचे प्रकाशन ११ डिसेंबर २०२५ रोजी केले जाईल.तर मतदान २० डिसेंबर २०२५ रोजी सकाळी ७.३० ते सायंकाळी ५.३० या वेळेत घेण्यात येईल.

मतदानानंतरची मतमोजणी २१ डिसेंबर २०२५ रोजी सकाळी १०.०० वाजता सुरू होणार असून अंतिम निकाल २३ डिसेंबर २०२५ पूर्वी शासन राजपत्रात प्रसिद्ध करण्यात येतील, अशी माहिती राज्य निवडणूक आयोगाचे सचिव श्री. सुरेश काकाणी यांनी दिली.

राज्य निवडणूक आयुक्तांच्या आदेशानुसार हा सुधारित कार्यक्रम तत्काळ अंमलात