महाबळेश्वर नगरपालिकेची निवडणूक निर्णय अधिकाऱ्यांच्या चुकीमुळे निवडणूक लांबणीवर

महाबळेश्वरची निवडणूक निर्णय अधिकाऱ्यांच्या चुकीमुळे निवडणूक लांबणीवर - कुमार शिंदे

उच्च न्यायालयात याचिका दाखल करणार ; उमेदवार उपस्थित

महाबळेश्वर टाईम्स : प्रतिनिधी

महाबळेश्वर दि ३०-११ महाबळेश्वर पालिका सार्वत्रिक निवडणुकी संदर्भात न्यायालयीन प्रक्रिया सुरू असताना देखील आपण उमेदवारांना चिन्ह वाटप करून बेकायदेशीर काम करत आहात,असे सांगून देखील अपुऱ्या माहितीच्या आधारे निवडणूक निर्णय अधिकारी सचिन मस्के सहा निवडणूक निर्णय अधिकारी योगेश पाटील यांनी राजकीय दबावापोटी येत ही प्रक्रिया रेटत नेली राज्य निवडणूक आयोगाच्या निदर्शनास ही चुकीची बाब आम्ही कळवली होती अखेर नव्याने निवडणूक प्रक्रिया घेण्याचे आदेश राज्य निवडणूक आयोगाने दिले आहेत चुकिचे काम करणाऱ्या अधिकाऱ्यांमुळे उमेदवारांचे आर्थिक नुकसान झाले आहे या अधिकाऱ्यांविरोधात कोल्हापूर उच्च न्यायालयात आम्ही एक याचिका दाखल करणार असून नुकताच जिल्हा न्यायालयाने नगराध्यक्ष पदाच्या दोन उमेदवारांसह प्रभागातील काही उमेदवारां विरोधातील जी याचिका फेटाळली आहे त्यावरही आम्ही पुन्हा उच्च न्यायालयात जात दाद मागणार असल्याची माहिती गिरिस्थान नगर विकास आघाडी (नियोजित) चे नगराध्यक्ष पदाचे उमेदवार कुमार शिंदे यांनी पत्रकार परिषदेत दिली यावेळी आघाडीचे सर्व उमेदवार उपस्थित होते

शनिवारी रात्री उशिरा राज्य निवडणूक आयोगाने महाबळेश्वर येथील निवडणूक प्रक्रियेला स्थगिती देण्याचा निर्णय घेतला होता आता ही निवडणूक दि २० डिसेंबर रोजी होणार असल्याचे जाहीर केले आहे निवडणूक प्रक्रिया लांबणीवर पडल्यामुळे जनते मध्ये संभ्रमाचे वातावरण निर्माण झाले होते त्यामुळे या सर्व बाबींचा खुलासा करण्यासाठी नगराध्यक्ष पदाचे उमेदवार कुमार शिंदे यांनी आज पत्रकार परिषद घेतली.यावेळी पुढे बोलताना ते म्हणाले, निवडणुकीला उभे असणारे नगराध्यक्ष पदाचे राष्ट्रवादीचे अधिकृत उमेदवार सुनील लक्ष्मण शिंदे,लोकमित्र जनसेवा आघाडीचे डी.एम बावळेकर यांनी नगरपालिकेचा जाहिरात कर बुडवला आहे याचे गेल्या काही वर्षातील तारखेसह काढलेले फोटो व पुरावे देखील आम्ही सादर केले होते नियमानुसार थकबाकी असणारे उमेदवार निवडणुकीला पात्र ठरत नाही याबाबत पुरावे देखील निवडणूक निर्णय अधिकाऱ्यांकडे सादर करण्यात आले परंतु राजकीय दबावापोटी नगरपालिकेने त्यांना तुटपुंजी रक्कम भरायला लावून उमेदवारांना थकबाकी नसल्याबाबतचे पावती दिली परंतु या पावतीवर कोणताही जीएसटी चा उल्लेख देखील नाही दंड व्याज आकारणी नमूद नाही त्यामुळे जिल्हा न्यायालयात आम्ही याचिका दाखल केली होती ही कायदेशीर प्रक्रिया सुरू असताना देखील निवडणूक निर्णय अधिकारी सचिन मस्के सहा निवडणूक निर्णय अधिकारी योगेश पाटील यांनी उमेदवारांना चिन्ह वाटप केले बेकायदेशीर प्रक्रिया या अधिकाऱ्यांनी वापरल्याचे राज्य निवडणूक आयोगाला आम्ही कळवले होते त्यांनी तात्काळ ही निवडणूक प्रक्रिया स्थगित केली आहे.

आता दि.४ रोजी नव्याने निवडणूक कार्यक्रम जाहीर होणार आहे. दि.१० रोजी अर्ज मागे घेण्याची मुदत, दि.११ रोजी आवश्यकतेनुसार निवडणूक चिन्ह वाटप व अंतिम उमेदवार यादी जाहीर करणे, दि. २० रोजी मतदान दि.२१ रोजी निकाल,असा हा नव्याने निवडणूक कार्यक्रम होणार असल्याचे कुमार शिंदे यांनी सांगितले यावेळी माजी नगराध्यक्ष स्वप्नाली शिंदे,राज मोहम्मद नालबंद,प्रियांका अजित बावळेकर,प्रशांत महादेव आखाडे,सोनाली रोहित बांदल हेमंत बाळकृष्ण साळवी,पूजा तुषार उतेकर विमल पांडुरंग बिरामणे प्रभा विजय नायडू प्रभाग नीता आकाश झाडे,राहुल अशोक भोसले,सलीम जब्बार बागवान,शबाना अल्ताफ मानकर,संगीता शामराव गोंदकर,संगीता प्रकाश हिरवे,मोअज्जम ताजुद्दीन नालबंद,सुनीता संदीप आखाडे आदी उमेदवार उपस्थित होते

उच्च न्यायालयात याचिका दाखल करणार ---

सध्या अन्य ठिकाणी होत असणाऱ्या नगरपालिका निवडणुकांचा निकालाचा परिणाम हा महाबळेश्वरच्या निवडणुकीवर देखील होऊ शकतो. त्यामुळे त्यांचे निकाल राखून ठेवावेत असे पत्र राज्य निवडणूक आयोगाला देणार असल्याचे कुमार शिंदे यांनी सांगितले तसेच जिल्हा न्यायालयाने फेटाळलेली याचिकेचे अपील कोल्हापूर उच्च न्यायालय दाखल करणार व ज्या निवडणूक निर्णय अधिकाऱ्यांच्या चुकीच्या निर्णयामुळे उमेदवारांचे आर्थिक नुकसान झाले. त्यांच्या विरोधातील याचीका देखील कोल्हापूर उच्च न्यायालयात दाखल करणार असल्याचे सांगितले.

बातम्या व जाहिरातीसाठी

संपर्क

संपादक :- राहुल शेलार

मो.नं 9422604420

कार्यकारी संपादक :- रियाज मुजावर

मो.नं : 9403546485