Mahabaleshwar Times

महाबळेश्वरमध्ये १९ एप्रिल रोजी घुमणार शिवरायांचा जयजयकार; शिवजयंती उत्सवाचे जय्यत नियोजन.....

महाबळेश्वर टाईम्स

महाबळेश्वर : प्रतिनिधी

महाबळेश्वर येथील 'श्री शिवजयंती उत्सव समिती २०२६' च्या वतीने दरवर्षीप्रमाणे यंदाही अत्यंत उत्साहात आणि भव्य स्वरूपात शिवजयंती व शिवोत्सव सोहळ्याचे आयोजन करण्यात आले आहे. चैत्र वैशाख शके १९४८, रविवार दि. १९ एप्रिल २०२६ रोजी हा मुख्य सोहळा पार पडणार असून, त्यानिमित्त विविध सामाजिक व सांस्कृतिक कार्यक्रमांची रेलचेल असणार आहे.

उत्सवाचे औचित्य साधून शनिवार, दि. १८ एप्रिल रोजी विविध कार्यक्रमांचे आयोजन करण्यात आले आहे.

रांगोळी स्पर्धा: दुपारी २ ते ४:३० या वेळेत शेठ गंगाधर माखरिया हायस्कूल येथे ही स्पर्धा होईल. पहिल्या तीन क्रमांकांना आकर्षक बक्षिसे व प्रशस्तीपत्रक देण्यात येणार आहे. (नोंदणीसाठी संपर्क: ९३७२२५५२१९)

रक्तदान व आरोग्य शिबीर: सकाळी १० ते सायंकाळी ५ या वेळेत पेटीट लायब्ररी हॉल येथे भव्य रक्तदान शिबीर व मोफत आरोग्य शिबीर आयोजित केले आहे. प्रत्येक रक्तदात्यास समितीच्या वतीने प्रोत्साहनपर भेटवस्तू देण्यात येणार आहे.

रविवार रोजी सकाळी ९:३० वाजल्यापासून कार्यक्रमांना सुरुवात होईल:

सकाळी ९:३०किल्ले रायरेश्वर येथून आणलेल्या शिवज्योतीचे सुभाष चौक येथे आगमन.

सकाळी १०:३० छत्रपती शिवाजी महाराज स्मारक चौक येथे रुद्र अभिषेक.

सकाळी 11 सुभाष चौक व स्मारक चौक येथे ध्वजारोहण व ध्वजपूजन.

सकाळी ११:३० श्रीराम मंदिर येथे शिवरायांचा पाळणा सोहळा.

दुपारी ४ कोळी आळी येथून छत्रपती शिवाजी महाराजांची भव्य मिरवणूक काढण्यात येईल.

रात्री १० शिवरायांच्या महाआरतीने सोहळ्याची सांगता होईल.

महाबळेश्वरच्या सर्व नगरवासियांनी आणि शिवभक्तांनी या सर्व कार्यक्रमांना मोठ्या संख्येने उपस्थित राहून सोहळ्याची शोभा वाढवावी, असे आवाहन उत्सव समितीच्या वतीने करण्यात आले आहे.

या महोत्सवाच्या यशस्वीतेसाठी उत्सव समितीचे

अध्यक्ष सुशांत अनिल पार्टे,

उपाध्यक्ष अक्षय विजय चव्हाण

खजिनदार, शुभम नरेंद्र कुंभारवरे,

सचिव राहुल सुभाष शेलार व

कार्याध्यक्ष आशिष चोरगे हे पदाधिकारी व शिवभक्त परिश्रम घेत आहे.