महाबळेश्वर रोटरी आणि इनरव्हील क्लबचा नूतन पदग्रहण सोहळा उद्या; डॉ. अभिजित सोनावणे यांची मुख्य उपस्थिती

 महाबळेश्वर रोटरी आणि इनरव्हील क्लबचा नूतन पदग्रहण सोहळा उद्या; डॉ. अभिजित सोनावणे यांची मुख्य उपस्थिती

                                  (नुतन अध्यक्ष महेश कोमटी)

महाबळेश्वर  टाईम्स 

महाबळेश्वर : प्रतिनिधी 

रोटरी क्लब ऑफ महाबळेश्वर आणि इनरव्हील क्लब ऑफ महाबळेश्वर यांच्या वर्ष २०२६-२७ च्या नूतन कार्यकारिणीचा अधिकृत पदग्रहण सोहळा उद्या, सोमवार दिनांक २० जुलै २०२६ रोजी आयोजित करण्यात आला आहे. महाबळेश्वर येथील प्रसिद्ध 'हॉटेल द बाईक' येथे संध्याकाळी ५ वाजता हा सोहळा अत्यंत उत्साहात पार पडणार आहे. या दिमाखदार सोहळ्यात नूतन पदाधिकाऱ्यांच्या पदग्रहणासोबतच शालेय विद्यार्थ्यांचा विशेष गुणगौरवही केला जाणार आहे.

या सोहळ्याला मुख्य अतिथी  म्हणून समाजकार्यात विशेष ओळख असलेले डॉ. अभिजित सोनावणे उपस्थित राहणार असून सन्माननीय अतिथी म्हणून साहाय्यक प्रांतपाल डॉ. मनोहर दातार यांची प्रमुख उपस्थिती लाभणार आहे. 'सेवा, बंधुभाव आणि नेतृत्व' या ध्येयाने प्रेरित होऊन आगामी वर्षात सामाजिक कार्याचा आलेख उंचावण्यासाठी दोन्ही क्लबचे नूतन पदाधिकारी आपला पदभार स्वीकारतील.

या नूतन कार्यकारिणीमध्ये रोटरी क्लब ऑफ महाबळेश्वरच्या नूतन अध्यक्षपदी महेश कोमटी आणि मानद सचिवपदी डॉ. आशिष चोपडे काम पाहणार आहेत. तर इनरव्हील क्लब ऑफ महाबळेश्वरच्या नूतन अध्यक्षा म्हणून सौ. सुलक्ष्मी यरलागड्डा आणि मानद सचिव म्हणून सौ. सुप्रिया बागुल पदभार स्वीकारणार आहेत.

क्लबच्या या नवीन वाटचालीला शुभेच्छा देण्यासाठी, नूतन नेत्यांचा उत्साह वाढवण्यासाठी आणि गुणवंत विद्यार्थ्यांचे कौतुक करण्यासाठी सर्व सदस्य, नागरिक आणि हितचिंतकांनी आपल्या कुटुंबासह सोमवार, दिनांक २० जुलै २०२६ रोजी संध्याकाळी ५ वाजता महाबळेश्वर येथील हॉटेल बाईक येथे बहुसंख्येने उपस्थित राहावे, असे आवाहन रोटरीचे मावळते अध्यक्ष विजय काळे आणि इनरव्हीलच्या मावळत्या अध्यक्षा सौ. वर्षा पार्टे यांनी केले आहे.

             बातम्या व जाहिराती साठी 📰 संपर्क

                 संपादक :- राहुल शेलार 

                    📱 9765576377

            कार्यकारी संपादक :- रियाज मुजावर 

                    📱 9403546 485